Yewtere raɓɓiɗunde fii Sii'a

   Wano Deftere wieteende Muujamul-wasiiti hino wi'i: ( Sii'a: ɗunko kala Jamaa e fedde ,e jokkuɓe e wallooɓe , Haray ɓen hino wi'ee Sii'aaɓe kaari ɓen , e Siiaaɓe Ɗunɗooɓen e wano non . Sii'aaɓe ɓen ko fedde Mawnunde e julɓe Aduna on , hiɓe mooɓondiri e fii Yiɗungol Sayyidinaa Alii (A.S.M) e Ɓeynguure makko Nden , hiɓe yi'i wondema ko ɓen ɗon ɓuri haanunde Almangol (ardoo) julɓe ɓen .

Si'en ndaarii Al-Quruaana on en taway himo ngollitiri Kon'ngol wi'ungol Sii'a e maanaa jokkuɓe e wallooɓe , Wanoka Allaahu on ndaali : {وإن من شيعته لإبراهيم}Suuratu-Assaafaati \ 83. wondema hino tawaa e Jokkuɓe Annabi Nuuhu (A.S.M) kanko Annabi ibraahiima (A.S.m) .

  Koniiɗe andirten hino tawaa e maanaaji Sii;a ka haala Aarabu ndariiɓe wondi njokki huunde wootere .

Ko honndetuma woniko Sii;a fuɗɗi ?

Fuɗɗoonde Sii'a nden e Taariika maɓɓe on :

A- hino ton feere wiunde wondema Sii'a ko ɓaawo Faatangol Annabiijo on (S.A.W) woniko fuɗɗi , hino Tawaa e wiuɓe ɗun ibnu Khalduun :

   Wondema ( Sii;a ko fuɗɗi ko ɓaawo faatangol Annabiijo on (S.A.W) , tawi yimɓe suudu Annabiijo on Hino yi'i hoore muuɗun ko kamɓe ɓuri haanu ndunde e Ardangol julɓe ɓen ɓaawo Nulaaɗo on , wondema Lontan'ngal ko kamɓe tun woodani , hara hay'e ngooto e Ɓen Guraysi yankooɓe tawaaka . nde tawunoo yonga e Sahaabaaɓe ngooɗe ko wonanɓe Sayyidinaa Alii (A.S.M) tawi kamɓe kadi hiɓe yi'a wondema ko ɓenɗon Haani lontaande Annabiijo Alla on (S.A.W) , kono nde Tawunoo kanko Sayyidinaa Alii (A.S.M) o'jonnaaka Lontan'ngal ɗun mettiɓe moƴƴa non .

  Wano oo'wieteeɗo Doktoor Ahmadu Amiin hino wi'i: Puɗol fuɗɗoonde Sii;a nden ko ila e nden fedde Yiunoonde wondema si'Nelaaɗo Alla on (S.A.W) feƴƴii Ko Ɓeynguure makko nden tun woniko haani lontangolmo . 

Oo'wieteeɗo Yaaguubii hino wi'i: on njamaa  tawunooɗo Tawanooka ka fii wootan'ngol Sayyidinaa Abuu-Bakiri En ko ɓen woni ɓoɗol aranon'ngol e Sii'aaɓe ɓen , hino Tawaa e ɓurɓe lollunde ɓen e maɓe : Salmaanul-faarisii E Abuu-Zariil-Khaffaarii e Migdaadi-bunil-Asawad e Abbaasi bun Abdil-Muttalibi .