Yewtere raɓɓiɗunde fii Sii'a

   Wano oo'wi'eteeɗo Zuhrii hino wi'i: Ɓayra Ko'eɗen addaama Saamu tawi kanko Yaziidi Himo jooɗii e Dimborɗi Ɓayra o'daariiɗe Ontuma o'yimi Gimɗi :-

 Ɓayra o'konko rondaa yaltitii   ɗin naangeeji Hino jalbi tawilan e dimborɗi .

Ndoobal fiji mi'wi'i foti hino selli    maaɗun Silla kono mi'yoɓii Ñamaande an'nden .

   Si'tawii hara ɗin ngonɗi ɗon yonay ko Dandamo ƴiiƴan Husayni (A.S.M) ɗan –ka'ɓen Jokkuɓe yaziidi- A'wa ko hunɗun ɓe wi'ata Konko Yaziidi Ɓaawo ɗin ngonɗi makko ɗon , O'immii himo cukka sokkita Ñiiñe imaamu Husayni ɗen ? e ko honno ɓe wi'ata kadi e ɗin Ngimɗi  Yaziidi hollayɗi Ɓernde makko nden Hino Ɓuttii ko'o wari imaamu Husayni kon ? e Ko'o yottanii Mawɓe makko Ɓen heeferɓe ɓe Soro imaamu Husayni (woni Nulaaɗo Alla on) e Baaba makko ( woni Sayyidinaa Alii ) warunoo Ñande hawre nden –Badri- e feere makko Kanko Yaziidi nden wondema himo ɓuri Annabaaku ngun e Wahyu Alla on . wano ibnu Jariiri Tabarii hino filloo wondema : ibnu Ziyaadi yamirno yo Rewɓe imaamu-Husayni Ɓen e fayɓe makko ɓen o'yamiri yo Alii bunil-Husayni yo juuɗe makko ɗen haɓɓe haa'ka Ndaande , ontuma o'imminiɓe haa'ka Yaziidi e Nder Leydi Saamu . Ɓayra Ɓe hewtii kanko Yaziidi o'jooɗii haa'moƴƴi o'nodditi Hooreeɓe Ɓen Saamu o'joɗɗini takko amkko , ontuma O'noddi Alii buni-Husayni e fayɓe imaamu-Husayni ɓen e Rewɓe makko ɓen , Ɓe ari Ɓe Naati tawi yimɓe ɓen fow hino ndaaraɓe . Ontuma non o'addi Hoore imaamu Al-husayni Nden o'wallininde yeeso makko o'nangi himo Sokkitira Ñiiñe imaamu-Husayni yeesooje ɗen Haa'e ƴakkirɗe ɗen Lekkun himo jogioo ka Jungo makko , konon o'warri haa'on wi'eteeɗo Abuu-Barazati-Aslamii immii wi'i Yaziidi A'sokkitiray Leggal maaɗa Ñiiñe imaamu-Husayni ? wallaahi mi'yi'ii Nelaaɗo Alla on (صلى الله عليه وآله وسلم ) hino lun'noo ɗii'toni .

  Ɓe'wi'i kadi Ɓayra Hoore imaamu –Husayni Nden (A.S.M) hewtii Yaziidi o'ɓeydani ibnu Ziyaadi njoddi o'woni jokkondirɗo e makko O'weltori moƴƴa ɗen ngolle makko ɗon . hewti Haa'ka tawata kanko Yaziidi o'naaday ibnu Ziyaadi ka rewɓe makko ɓen woniɗon hara hay Ɓe tiggaaki ( ko ɗun holli hari ɓe wonii huunde Wootere ) .

   Enee hiɗa andi Ubaydullaahi ibnu-Ziyaadi ko Honɗun o'waɗi ? ko kanko woniko yamiri yoɓe Rewnu Kolce Pucci ɗin ka Ɓernde e ka Ɓaawo imaamu Husayni . Ɓaawo o'huncii (o'Ñortii) Sutura Sonnaaɓe (Rewɓe) suudu Annabaaku Ngun . o'faalaa kadi warunde Alii bunil-Husayni (A.S.M) on tawnooɗo hariko nawnuɗo (o'waawaali taweende ngere ɗen) , Ɓayra O'waawii waɗande Hooreejo makko on Yaziidi Ɗunɗon fow , wano on sokkitungol Ñiiñe imaamu Husayni ɗen (A.S.M) kanko Ubaydullaahi bun-Ziyaadi o'eɓɓidii fii Jonnungol haa'e Yaziidi Hoore imaamu Husayni Nden wondunde e Alii bunil-Husayni e kala Ɓe'o wondunoo e Ɓeynguure makko , e hoore Al-haali tawayɗo hino Ñirɓila Ɓalli kala nanuɗo Ɗun . sabu ɗun Ɓreɗe fow hino aña Yaziidi bun Mu'aawiya e Shamru bun zii-jawsani On'tawnooɗo ko kañun tigi woniko tetti Hoore imaamu Husayni nden (A.S.M) .

  Ko'ɗunɗoo woni ngolle Ubaydullaahi bun-Ziyaadi ɗen haako tawi Yaziidi weltoraymo Moññoo e makko Ɓeydanamo njoddi Ɓannitamo okkoramo jokkoomo Ɓeyda Ɓantunde fii'makko on .

   Ehoore ɗunɗoo fow yimɓe Yaziidi ɓen hino Wi'unde wondema wanaa Yaziidi woniko wari imaamu-Husayni (A.S.M) sabutun woo'himo Wulli fii'makko ? .

    Hiɗen timminira yewtere men'nden kon'ngol Waɗay'ngolma  hiɗa yi'a ngolle Yaziidi ɗen  A'sikkay hari hiɗa tawanoo e nden jon'nde , Hiɗa yi'a Jaynabu geɗal Sayyidinaa Alii (A.S.M) On hino naande kanko'e Ɓenɓe'o haɓɓidanoo Addaa fow , e joɗɗineende maɓe e nden Jon'nde heewunoonde aruɓe ndaarungol e Yennooɓe , yi'aa Hoore imaamu-Husayni nden Hino addee on tawnooɗo ko'o uurengol Nulaaɗo Alla on (صلى الله عليه وآله وسلم ) hinde Joɗɗinee yeeso Yaziidi himo cukka Ñiiñe Yeesooje imaamu-Husayni ɗen himo waɗa Gimɗi , haa'Taaniraawo Annabaaku ngun Jaynabu immii ndartiimo e hoore cuucal Haashimi yankowal . o'wi'i: A'sikku yo'Yaziidi Wondema Ɓayra A'ƴettii men ka hattoonde Leyɗe ɗen too e ka hattoonde Kammuuli ɗin Too men soggiraama wano Ɓen nangaaɓe e Ngereeji soggirtee , haray ko'an woniko mari Teddungal ka Allaahu on menen men mari Hore e jaaseende , konko miijiɗaa'ɗon hino Mawni ka makko (Allaahu on) . haaɗun townie Kine maaɗa ɗen . ndaaruɗaa weltaare maaɗa Nden yi'uɗaa Aduna on fow A'hendike sikkuɗaa piijiɗin fow timmiriima . waɗu haggil –Kaa'A'yejjitiino kongol Allaahu toowuɗo on ?- {ولايحسبن الذين كفروا أنما نملي لهم خيرا لأنفسهم. إنما نملي لهم ليزدادوا إثما ولهم عذاب مهين} . kaa'A'sikku hino tawaa'e Nuɗɗal yoɓii rinɗinaaɗo suuɗungol maaɗa Rewɓe maaɗa Ɓen e horɓe maaɗa Ɓen sogga Jiwɓe Nulaaɗo Alla on hara koɓe nangaaɓe Haɓɓaa , e hino A'Ñortii sutura maɓe on A'yaltinii Geece maɓe ɗen . e hino Ayɓe ɓen Hino jokkita batte A'men on ila e Leydi heɓi e Lydi . hino Ara ndaaraɓe Paykun e Mawɗo hino Yiltindira geese maɓe ɗen woɗɗuɗo e Ɓattiiɗo Fow , tedduɗo e jaasuɗo fow . wanaa hay'e Ngooto e Worɓe maɓe wondi e maɓe kohino Hiwaɓe wanaa kadi hay'e ngooto e israawo Maɓe Ɓe wondi kohino hiwaɓe . haa'kanko Jeynabu o'maaki : ko ngoonga maaɗa yo Yaziidi A'wiay ɗun hara hay'a mettaaka A'sunaaki . hara Ñan hiɗa sutanii ( faandanii) Sokkitungol Ñeeñe imaamu Husayni ɗen tawɗo Ko kanko woni Koohoojo kala Suka naatayɗo Al-janna . ko'honɗun waɗi A'wiataa ɗun ? A'muynitii Barme on . A'mehii ka Daƴƴere Sabuko hibbuɗaa ƴiiƴan Zurriya Annabiijo Muhammadu (صلى الله عليه وآله وسلم  ) on kon , tawɓe Ko kamɓe woni Koonde Leydi ndin , koɓen Woni ngeyngol Suudu Abdul-Muttalibi ngol. Ontuma non yi'aa hiɗa ewnooɗon Baabiraaɓe Maaɗa (yo Yaziidi) kono ko'a tawoyoowoɓe ko Neeɓaa . nden Ñande non A'yeloto haranun A'wowlaali ko wowluɗaa kon A'yeloto hara nun A'won'no maayrɗo sengo maaɗun mbomboojo Nun hara A'waawataa wowlunde . Awaɗii ko Waɗaa fow , konu mi'woondirii Allaahu on Yo'Yaziidi ko nguril maaɗa ngil woniko Fenanɗaa , ko'Teewu Ɓandu maaɗa ndun Woniko sattinanɗaa , sabuna A'tawoyay ɗon Nulaaɗo Alla on (صلى الله عليه وآله وسلم  )  hara ko'a Ronditiiɗo hibbungol ƴiiƴan Zurriya makko on Ñorta horma makko on ka Ɓeynguure e ka ƴiiƴan makko .