Yewtere raɓɓiɗunde fii Sii'a

    Tawi ko'o faadii e Ɓen diisondirteeɓe ko kanko Sayyidina Alii (A.S.M) e Banii Haasimi en e Ɓen Sahaabaaɓe tedduɓe wondunooɓe e makko ka suudu Nulaaɗo on ( صلى الله عليه وآله وسلم) , tawi hay'e Ngooto araali diisiniiɓe fii nden njonde heñoranoonde Koɓe njooɗii Ɓe wootani Sayyidinaa Abuu-Bakri , wano Sayyidinaa Umaru hino tigi wi'i wondema nden njonde Ɗon hari ko faljere njande waɗi , koyo Allaahu on Ndandu julɓe ɓen bone mayre , kala fillitiiɗo sifa nden Njonde koyoo ware .

(Nawnu'ngol Annabiijo on haa'faata'ngol maɓɓe e Wootane'ngol Sayyidinaa Abuu-Bakri ) :

Ɓayra Nelaaɗo Alla on ( صلى الله عليه وآله وسلم) nawnii Nden nawnaare nde'ɓe faatii e muuɗun ɓe'noddi Wi'eteeɗo on Usaama bun Jeydi o'yamirimo ya'yahu'ngol Njihaadi tawi Nulaaɗo on waɗiimo hooreejo ngun konu , Ontuma kanko Nulaaɗo on (صلى الله عليه وآله وسلم ) o'maaki Eɓɓindee fii tawtungol e konu Usaama ngun yo'Allaahu On huɗu kala tultuɗo salii yahunde tawee e ngun konu . Ɓayra nawnaare nden tiiɗii e makko –kanko Nulaaɗo On- o'maaki : addaneelan ndaha e kaydi mi'windana on Deftere ko jokkon hara on majjataa Ɓaawo on pooma . Kono julɓe ɓen pooɗondiri fii'muuɗun , ontuma o'maaki immii yahon haana ka pooɗondiral waɗetee ka Annabaajo . uontma wano Sayyidinaa Umar wi'i: Wondema Nelaaɗo Alla on hino ngirbunde .

   Wano Bukhaarii hino fillii wondema : Ɓayra nawnaare Nden tiiɗirii Nulaaɗo on , o'maaki jonneelan ndaha e kaydi mi'windana on deftere hara on majjataa Ɓaawo an . Sayyidinaa Umaru maaki : muuseedi'ndiin foolii Nulaaɗo Alla on deftere Allan den yonii en . ontuma Sonko ngon tawi heewii e hoore Nulaaɗo , o'maaki : immee yahon haanaa ka pooɗo'ndirton e hoore an . Ontuma ibnu Abbaasi wi'i : bone on fow koko haɗunoo Nulaaɗo Alla on windunde ɗun . on bone Ɓurti tiiɗunde Ɓaawo kanko Annabiijo on ( صلى الله عليه وآله وسلم) Faatike . ɗun hawri e ( sabborndu paran hitaande 11 Ferngu , e hitaande 632 jibine'ngol Annabi iisaa . Ɓe Faati tun lurran ko Nulaaɗo on (صلى الله عليه وآله وسلم ) hulunoo fii'muuɗun kon fewdo koɓe wuuri , Fuɗɗii kisan hari ko fii'ɗun Ɓe faaliranoo windu'ngol Ndun Ɓatakuru ko julɓe ɓen jokka haraɓe majjaali Ɓaawo maɓɓe . ngal lurral maɓɓe hawri  Ñande Nulaaɗo tigi (صلى الله عليه وآله وسلم ) faatii , tawi Ɗun fow kofii lontan'ngal , ko'e nden Ñalaande tigi Woniko Ɓen Ansaari yankooɓe mooɓondiri

( tumbo'ndiri) ka suudu Banii Saa'ida fii'yo on wi'eteeɗo Sa'adi –bun ibaada- yo ƴettu lontan'ngal tawinon hay Annabiijo on surraaka taho ! Ɓayra kanko Sayyidinaa Umaru o'nanii ɗun o'fewtiti ka Suudu Annabiijo on (صلى الله عليه وآله وسلم  ) tawi Sayyidinaa Abuu Bakri e Sayyidinaa Alii (A.S.M) hino ton , kono Sayyidinaa Alii Hio jokki fii'no Nulaaɗo Alla on (صلى الله عليه وآله وسلم  )  Wattiniree , ontuma Sayyidinaa Umaru nuli e Sayyidinaa Abuu Bakri yo'o aru o'tawamo , Sayyidinaa Abuu Bakri Nuliti e makko o'hettotaako ,  ontuma  Sayyidinaa Umaru Nuliti e makko ɗiɓɓun wondema hound waɗii komee O'ara o'tawee . ontuma Sayyidinaa Abuu Bakri yehi Tawoyimo , Sayyidinaa Umaru haalanimo ko waɗikon , Ɓe yehi heña ka suudu Sa'adi on , tawi hiɓe wondi e on Wi'eteeɗo Ubaydata bunil-jarraahi  ehoore hawji ( heñii) Moƴƴa . ɓe hawri ( ɓe fotti) e worɓe ɗiɗo  ɓen wi'iɓe Yiltee sabuna on heɓoytaa ko faalaɗon kon . ɓe jaabiiɓe Men waɗataa ɗun , ontuma ɓe yehi yaadu maɓɓe  Haaɓe tawoyi ɓen Ansaari yankooɓe , kamɓɓe e Maɓɓe ɓe jaabondiri konguɗi hakkunde maɓɓe ton , Konon waɗiri haa kanko Sayyidinaa Umaru fonti njungo muu'ɗun ngon o'waɗi e hoore njungo Sayyidinaa Abuu Bakri ngon o'wotanimo . wi'aama hari oo'wieteeɗo Basiiru bun Sa'adi Al-ansaarii  attikemo wootande Abuubakri sabu añungol makko ɓiɗɗo bappa makko on Sa'adi .

   Ontuma kanko Sayyidinaa Abuu Bakri e Sayyidinaa Umaru e ɓenɓe wondi hino atunde , tawi kala kaɓe rewi Ɓe tawi ngoɗɗo ɓe wi'ay oo'tigi yo'o aru o'fawa jungo Makko ngon e hoore jungo Sayyidinaa Abuu Bakri ngon O'wootanamo , ɗun'non oo'tiggi yiɗi salii .

   Ko'ontuma , yimɓe ɓen fow ari hibbii e hoore Sayyidinaa Abuu Bakri ɓe wootanimo , si'wanaa Ɓeynguure Banii Haasimi nden , e Zubayru bunil Awaami  e Utaba bun Abii Lahabi , e Khaalidu bun Saiidu bunl-Aasi , e Migdaadi e Salmaana e Abii Zarri e Ammaar e Aazibu e Ubayyi bun ka'abi , Ɓeeɗoo fow  Tawi ko wonanɓe Sayyidinaa Alii (A.S.M) . ko'ɗon Utba bun Abii Lahabi wi'I :-

  Hari mi'sikka nde'e huunde pottinte Banii Haasimi en , Tentinande Sayyidinaa Alii . on'tawɗo ko arano e yimɓe Ɓen fow gomɗin'ngol Alla adiiɗo fow e (diinakan) Ɓurɗo yimɓe ɓen fow andunde Al-Quraana on e Sunna On , mo'nelaaɗo Alla on sakkitii ƴettundunde Ahdi e Muuɗun , on'mo jibriilu wallitii lootungol Nelaaɗo on Waɗa kasange , ko'woni e makko kon alaa e luttuɓe ɓen Ɓe wondaali e makko e hino ko'o jogiikon e moƴƴere Yimɓe ɓen jongaaki ɗun .

   Ko'non kadi Abuu Sfyaan jaɓaano wootande Abuu Bakri . ontuma non Sayyidinaa Abuu Bakri immini Sayyidinaa Umaru yo'o yahu ka Sayyidinaa Alii (A.S.M) E kala wonduɗo e makko ka suudu ton ton yo'wootan Sayyidinaa Abuu Bakri . Sayyidinaa Umaru wi'imo si'ɓe Njaɓaali non ? ontuma Sayyidinaa Abuu Bakri wi'imo Haray ko'yaa haɓuɓe . ontuma non Sayyidinaa Umaru Ari tawi himo ardi e docce yiite fii'siɓe jaɓaali o'sunna Suudu ndun e hoore maɓɓe , Neene Faatima ( geɗal Nulaaɗo on ) hari e maɓɓe o'wi'iɓe ko'honto yahataa Yo'Umaru bunil-khattaabi ? A'aru sunnu'ngol suudu Amen ndun ? Sayyidinaa Umaru wi'i eyyo ko'ɗun mi'ari Maaɗun tawton jamaa on ( Mofte ɗen ) .